Thursday, May 10, 2012

ಪುಳಕಗಳ Someಶೋಧನೆ..

ಪ್ರತಿ ದಿನವೂ ನೀವು ಹೀಗೆ ಕಂಪ್ಯೂಟರ್ ಮುಂದೆ ಕುಳಿತು ಇಂತಹದೊಂದು ಪ್ರಶ್ನೆಯನ್ನೂ ಎದುರಿಸಿರುವುದಿಲ್ಲ:

ಎಲ್ಲಿಯೋ ತನ್ನದೇ ಆದ Creative ಜಗತ್ತಿನಲ್ಲಿ ಇದ್ದ ಹುಡುಗನೊಬ್ಬ, ಅವಳಿಗೋಸ್ಕರ ಎಲ್ಲವನ್ನೂ ಬಿಟ್ಟು, ಅಪರೂಪಕ್ಕೆ ಬೇಡದೆಯೇ ಹುಟ್ಟಿಕೊಂಡ Life ನ ಒಂದು ಜವಾಬ್ದಾರಿಯನ್ನೂ ಸಹ ಲೆಕ್ಕಿಸದೆಯೇ, ಅವಳಿದ್ದ ಕಡೆಗೆ ಬಂದು, ಕೊನೆಗೆ ಎಲ್ಲವನ್ನೂ ಕಳೆದುಕೊಂಡು Just ಆ 3 ವರ್ಷಗಳ ಖಾಸಗಿ ನೆನಪುಗಳನ್ನು ಒಟ್ಟಿಗೆ ಗುಡ್ಡೆ ಹಾಕಿಕೊಂಡು, ಭಾನುವಾರದ ಮುಂಜಾವಿನಂದು Laptop ನ ಸ್ಕ್ರೀನ್ ನೋಡುತ್ತಾ – ನನಗಿದು ಬೇಕಿತ್ತಾ!? ಎಂದು ತನ್ನನ್ನೇ ತಾನು ಪ್ರಶ್ನಿಸಿಕೊಳ್ಳುವುದು ಯಾರಿಗೂ ಬೇಡದ ಸಂಗತಿ ಬಿಡಿ

ಇಂತಹದೊಂದು ಪ್ರಶ್ನೆಯನ್ನು ಕೇವಲ ಪ್ರೀತಿಯಲ್ಲಿದ್ದು, ಅನುಭವಿಸಿ, ಕೊನೆಗೆ ಕಳೆದುಕೊಂಡವರು ಮಾತ್ರ ಪ್ರಶ್ನಿಸಿಕೊಳ್ಳಬಹುದು!.

Coffee Mug ಕಡೆಗೆ ಒಮ್ಮೆ ನೋಡಿದೆ. ಆ ಮುಂಜಾವಿನ ಚುಮು-ಚುಮು ಚಳಿಯೊಂದಿಗೆ Coffee ತನ್ನ ಬಿಸಿ-ಬಿಸಿ ಹಬೆಯೊಂದಿಗೆ ಚೆಲ್ಲಾಟದಲ್ಲಿ ಬ್ಯುಸಿ ಆಗಿತ್ತು, ಅದಕ್ಕೆ ಅನುರಾಗದ ಹಂಗಿಲ್ಲ! ಇಬ್ಬನಿಯ ಪಿಸುಮಾತಿಗೆ ಕಿವಿಯೊಡ್ಡಿ ಅದರ ಪ್ರೀತಿಗೆ ಕರಗಿ ತಣ್ಣಗಾಗುವ ಆ ಕೊನೆಯ ಕ್ಷಣದವರೆಗೂ ಅದು ಖುಷಿಯಲ್ಲೇ ತೇಲುತ್ತದೆ, Lucky ಫೆಲೋ!

ತುಂಬಾ ಅಂತರ್ಮುಖಿಯಾದೆ. ಯಾವ ಗೆಳೆಯನೊಂದಿಗೂ ಮಾತನಾಡುವ ಇರಾದೆ ಇರಲಿಲ್ಲ, ಕಾರಣವಿಲ್ಲದೆಯೇ ದಿನಕ್ಕೆ ನೂರಾರು ಬಾರಿ Touch ಮಾಡಿಸಿಕೊಳ್ಳುವ ಆ Mobile ಗೂ ಈ ದಿನ ನೆಮ್ಮದಿ. 

ಮತ್ತೊಮ್ಮೆ Laptop ನ Screen ನೋಡಿದೆ, ಕೈಗಳು ನನ್ನ ಮನಸ್ಸಿನ ಸಂವೆದನೆಗೂ ಕಾಯದೇ Google ಸೈಟ್ ಓಪನ್ ಮಾಡಿಯೇಬಿಡುತ್ತವೆ, ಖಿನ್ನತೆಯ ಮನಸ್ಸು ಇಂಟರನೆಟ್ ಗೆ Addict ಆಗಿಟ್ಟಿದೆ ಅನ್ನಿಸುತ್ತದೆ. ಟೈಪ್ ಮಾಡಲು ಅನುವಾದೆ, ಆದರೆ ಪೂರ್ತಿ ಟೈಪ್ ಮಾಡುವ ಮೊದಲೇ ಆಯ್ಕೆಗಳನ್ನುಕೊಡುವ ಈ Google ನ ಆತುರತೆ ನನ್ನನ್ನು ಮತ್ತೆ ಕಿರಿಕಿರಿಗೆ ತಳ್ಳತೊಡಗಿತು. ಸಣ್ಣದೊಂದು ತೀವ್ರತೆಯನ್ನೂ ತಡೆಯಲಾಗದಂತಹ ಸಮಯ, Laptop ಮುಚ್ಚಿಟ್ಟುಬಿಟ್ಟೆ.

ಸಣ್ಣದೊಂದು ದ್ವೇಷದ ನಿರೀಕ್ಷೆಯಲ್ಲಿದ್ದೆ ಅನ್ನಿಸುತಿತ್ತು, ಆದರೆ ಅದೊಂದು ಬಾರದ ಭಾವ, ಗೊತ್ತಿಲ್ಲದಂತೆಯೇ ಅನುಭವಿಸಿ, ನಂತರದ ಆ ತಲ್ಲಣಗಳೇ ಏನೋ, ನಾನು ಯಾರನ್ನೂ ವಯಕ್ತಿಕವಾಗಿ ದ್ವೇಷಿಸುವಂಥ ತಾಕತ್ತನ್ನೇ ಕಳೆದುಕೊಂಡುಬಿಟ್ಟೆ. ಅನುರಾಗದ ಆ Planned ಮೋಸಗಳು ದ್ವೇಷವನ್ನೂ, ದ್ವೇಷಿಸುವ ತಾಕತ್ತನ್ನು ತೊಡೆದುಹಾಕಿಬಿಡುತ್ತವಾ? ಗೊತ್ತಿಲ್ಲ.

Coffee Mug ತೆಗೆದಿಟ್ಟೆ, ರೂಮ್ ಫುಲ್ ಕೆದರಿದ ಹಾಗೆ ಭಾಸವಾಗುತ್ತಿತ್ತು. ಸುತ್ತಲೂ ಕಣ್ಣಾಡಿಸಿ ಒಂದು ಧೀರ್ಘವಾದ ನಿಟ್ಟುಸಿರು ಬಿಟ್ಟೆ. ಮತ್ತದೇ ಬೇಸರಿಕೆ, ಕನಸುಗಳೆಲ್ಲ ಕರಗಿ ಸುಮ್ಮನಾದ ಮೇಲೆ ಯಾವದಕ್ಕೂ ಉತ್ಸಾಹ ಇರುವುದಿಲ್ಲವೇನೋ? ಕಸ ಗೂಡಿಸಲೊಂದು Vacuum Cleaner, ಬಟ್ಟೆ ಒಗೆಯಲೊಂದು Washing Machine ಇರಬೇಕಿತ್ತು ಎನಿಸುತ್ತಿತ್ತು. ಭಾವನೆಗಲೆಲ್ಲವೂ ಬತ್ತಿ ಬರಿದಾದ ಮೇಲೆ ಉಳಿದುಕೊಂಡ ಸೋಮಾರಿತನದ ಪರಮಾವಧಿ ಇದು! ಇದಕೊಂದು ಕಾರಣವಿದೆ, ಮನೆಯಲ್ಲಿ ಎಲ್ಲಿಯೇ ನೋಡಿದರು ಅವಳ ನೆನಪುಗಳೊಂದಿಗೆ ಬೆರೆತುಕೊಳ್ಳುವ, ನೆನಪುಗಳನ್ನು ಮನಸ್ಸಿನಾಳದಿಂದ ತೆಗೆದು, ನನ್ನ ಮುಂದಿಡುವ ಪ್ರೇರಣೆಗಳೇ ಸಾವಿರ! ಯಾವದನ್ನೂ ಎದುರಿಸುವ ಧೈರ್ಯವಿಲ್ಲ. ಹಾಗೆಂದು ಅವುಗಳನೆಲ್ಲವನ್ನೂ ತೊರೆದು ಸಂಪಾದಿಸುವ ಆ ನಿರ್ಲಿಪ್ತತೆಯ ಅನಾವರಣವೂ ಬೇಡ. ಮನಸ್ಸು ಗೊಂದಲಗಳ ಗೂಡು!

ಪ್ರೀತಿಯೊಂದು ಸುಂದರ ಅನುಭವ ಅಂದುಕೊಂಡವನು ನಾನು. ಒಮ್ಮೆಯಾದರೂ ಹೀಗೆ ಸುಮ್ಮನೆ, ನನ್ನ ಜೀವನದಲ್ಲೊಮ್ಮೆ ಇದು ಬಂದು ಹೋಗಬಾರದಾ? ಅಂದುಕೊಳ್ಳುವ ಸಮಯದಲ್ಲಿ, ಸ್ವೇಚ್ಚೆಯಿಂದ ಬಂದ ಈ ಪ್ರೀತಿಗೆ ಇಸ್ಟೊಂದು ತೀವ್ರವಾಗಿ ಬಿಟ್ಟುಬಿಡಬೇಕು ಅನ್ನುವ ವಿಲಕ್ಷಣ ಆಸೆ ಬಂದದ್ದಾದರೂ ಯಾಕೆ? ಗೊತ್ತಿಲ್ಲ.

ಸುಮ್ಮನೆ ಹೊರಗೊಂದು Walk ಹೋಗಬೇಕು ಅನ್ನಿಸತೊಡಗಿತು, ಆ ನೆನಪುಗಳ ಜಗತ್ತಿನಿಂದಾಚೆಗೆ ಬರುವ ಪ್ರಯತ್ನದಲ್ಲಿದ್ದೆ, ಹಾಗೆಯೇ ಹೊರಟೆ, ನೆನಪುಗಳನ್ನು ಮರೆಸುವ ಪುಳಕಗಳ ಸಂಶೋಧನೆಯಲ್ಲಿ...

Thursday, November 10, 2011

ಮಳೆ, ಕಾಫಿ ಹಾಗು feelings....

ಅದೇನೋ ಗೊತ್ತಿಲ್ಲ, ಈ ಮಳೆ, ಕಾಫಿ ಮತ್ತು feeligs ಮಧ್ಯೆ Triangle Love Story ಇದೆ ಅನ್ನಿಸುತ್ತೆ. ಈ coffee ಹುಡುಗ ಆದ್ರೆ, feelings ಅನ್ನೋದು ಹಳೆ ಹುಡುಗಿ ತರ, ಹಾಗು ಈ ಮಳೆ ಅನ್ನೋದು ಹೊಸ ಹುಡುಗಿ ಅಂದುಕೊಳ್ಳೋಣ!. ಮಳೆ ಎಸ್ಟೆ ಬಂದು ಹೋದರೂ, ಈ feeligs ಮತ್ತು coffee ನ ಬೇರೆ ಮಾಡೋಕಾಗೊಲ್ಲ ನೋಡಿ.. Really they are made for each other.


ನಿಜಕ್ಕೂಈ Philosophy funny ಅನ್ನಿಸಿದ್ದರೂ, ಮನಸ್ಸಿನ ಯಾವದೋ ಒಂದು ಮೂಲೆಯಲ್ಲಿ ನಿಜ ಅನ್ನಿಸಿಬಿಡುತ್ತೆ!. ಮಳೆ ಬಂದಾಗೆಲ್ಲ ಹಾಗೇ ಮನಸ್ಸು ಬಿಚ್ಚಿ ನಕ್ಕು ಬಿಡಬೇಕು ಅನ್ನಿಸುವ, ಗೊತ್ತಾಗದೆ ಅತ್ತು ನೋವು ಕಳೆದುಕೊಳ್ಳಬೇಕು ಅನ್ನಿಸುವ, ವಾಸ್ತವ, ವಯಸ್ಸು ಇದ್ಯಾವ ಅರಿವೇ ಇಲ್ಲದೇ ಪುಟ್ಟ ಮಗುವಿನ freedom ಅನುಭವಿಸಬೇಕು ಅನ್ನಿಸುವ ಭಾವನೆಗಳು ಪ್ರೀತಿಯಲ್ಲಿರುವ ಅಥವಾ ಪ್ರೀತಿ ಕಳೆದುಕೊಂಡಿರು ಹೃದಯಗಳಲ್ಲಿ ಮಾತ್ರ ಹುಟ್ಟಿಕೊಳ್ಳುತ್ತಾವಾ? ಅನ್ನೋ ಪ್ರಶ್ನೆ ಕಾಡುತ್ತೆ.


ಒಂದು ಕಾಲದಲ್ಲಿ ಎಲ್ಲವೂ ಇತ್ತು ಅನ್ನಿಸುತ್ತಿದೆ. ಮನೆಯವರೆಲ್ಲರ, ಸ್ನೇಹಿತರ Comfort Zone, ಅದರಿಂದ ಅರಿಯದೆ ಬಂದ ಬೇಜವಾಬ್ದಾರಿಗಳು, ಎಲ್ಲ ಕ್ಷಣದಲ್ಲೂ enjoy ಮಾಡೋಕೆ ಸಿಗೋ parents ಕೊಟ್ಟ Financial Security, ಓದದಿದ್ದರು ಚಿಂತೆ ಇಲ್ಲ ಅನ್ನೋ ನಿರ್ಲಿಪ್ತ ಭಾವ, ಗುರಿ ಇಲ್ಲದ Life, ನನ್ನನ್ನು ನಾನೇ creative ಅಂತಾ ಗುರುತಿಸಿಕೊಂಡ ನನ್ನದೇ ಆದ ಪುಟ್ಟ ಜಗತ್ತು, Generation ಗೂ ಮೀರಿದ ಅಜ್ಜಿ.. ಎಲ್ಲವೂ ಜೋತೆಲಿದ್ದವು. But, ಈ Feelings ಇರಲಿಲ್ಲ, ಮಳೆ ಇರಲಿಲ್ಲ, ಇದ್ದರೂ ಕಾಫಿ ಕುಡಿಯೋ ಅಭ್ಯಾಸ ನನಗಿರಲಿಲ್ಲ.


ಅವಳು ನನ್ನ Life ಲಿ ಬಂದು, ಒಂದು ಕಾಲದಲ್ಲಿ ನನ್ನ ಜೋತೆಗಿದ್ದ ಕೆಲವನ್ನು ತೆಗೆದುಕೊಂಡಳು, ತಾನಾಗಿಯೇ ಬಂದ ನನ್ನ ಬೇಜವಾಬ್ದಾರಿಗಳನ್ನು ಪ್ರೀತಿಯಿಂದ ಕಿತ್ತುಕೊಂಡಳು, ಗುರಿ ಇಲ್ಲದ Life ಗೆ ಪ್ರೀತಿಯೆಂಬ Target ಕೊಟ್ಟಳು, ಓದು ಅನ್ನೋದು ಒಂದು Struggle ಅನ್ನೋ ಭಾವಕ್ಕೆ ಪೂರ್ಣವಿರಾಮ ಇಟ್ಟಳು.. ಹಾಗೆಯೇ ಕೊನೆಗೆ ಈ Feelings ಕೊಟ್ಟು ಹೋದಳು


ನಾನೆಲ್ಲವನ್ನು ಕಲಿತೆ, ಈಗ ನನ್ನ ಜೊತೆ ಮುಂಚೆ ಇದ್ದ ಯಾವದೂ ಇಲ್ಲ, ಈಗ ಇದ್ದದ್ದು ಈ Feelings , Coffee  ಮತ್ತು ಆಗ್ಗಾಗ್ಗೆ ಬಂದು ಹೋಗುವ ಈ ಮಳೆ!